“Аэро Номад Эйрлайнс” авиакомпаниясынын кыргызстандыктарды мекенине эвакуациялоо багытындагы экинчи рейси 2026-жылдын 5-мартында Оман Султанатынан Кыргыз Республикасына учуп кетти.
Рейс Кыргыз Республикасынын жарандарын мекенине кайтаруу максатында уюштурулуп, Тышкы иштер министрлиги, Министрлер Кабинетине караштуу Жарандык авиация мамлекеттик агенттиги жана “Кыргызстандын Аэропорттору” ААКсы менен биргеликте ишке ашырылууда.
Учак “Манас» эл аралык аэропортуна болжол менен 5-марттан 6-мартка караган түнү, саат 02:45те конушу күтүлүүдө. Ал эми учакта 85 жүргүнчү бар. Кошумча маалымат берилет.
