2026-жылдын январь–апрель айларында Кыргызстанга 96,1 млн сомдук жер жаңгак импорттолду. Бул тууралуу Улуттук статистика комитетинин маалыматында айтылат.
Алгачкы төрт айда өлкөгө жалпы 1,7 миң тоннага жакын жер жаңгак алынып келинген.
Импорттун негизги бөлүгү Өзбекстандан (1 084,2 тонна) жана Кытайдан (600,8 тонна) ташылган. Мындан тышкары, Түркмөнстандан – 5,3 тонна, Россиядан – 900 килограмм жана Тажикстандан – 400 килограмм жер жаңгак импорттолгон.
Статистикага ылайык, быйылкы төрт айдагы жер жаңгактын импорту өткөн жылдын ушул мезгилине салыштырмалуу дээрлик эки эсеге көбөйгөн. 2025-жылдын январь–апрель айларында Кыргызстанга 877,6 тонна жер жаңгак импорттолгон.
