Мамлекеттик салык кызматынын Нарын облусу боюнча башкармалыгынын кызматкерлери кызматтык абалынан кыянаттык менен пайдалангандыгы үчүн кармалды. Бул тууралуу УКМК билдирет.
Нарын шаарынын май куюучу жайларында күйүүчү-майлоочу майларды сатууда салык төлөөдөн качкан жеке ишкерлерге жеңилдиктерди беришкен, натыйжада мамлекетке 9 млн 134 миң сом зыян келтирилген.
Бул фактынын негизинде Салык кызматынын Нарын шаары боюнча башкармалыгынын салык көзөмөлү, карызды өндүрүү бөлүмүнүн башчысы жана ошол эле бөлүмдүн инспектору кармалды.
