Бүгүн, 7-декабрда “Айтматов жана театр” VI эл аралык театр фестивалын утурлай, Токтоболот Абдумомунов атындагы Кыргыз улуттук драма театрынын жана Чыңгыз Айтматов атындагы орус улуттук драма театрынын чыгармачыл жамааты, бир катар көрүнүктүү маданият ишмерлери «Ата-Бейит» мемориалдык комплексиндеги жазуучу Чыңгыз Айтматовдун бейитине гүл коюп, аны эскеришти.
Ага Маданият, маалымат, спорт жана жаштар саясаты министринин кеңешчиси Бактыбек Секимов, жазуучунун карындашы Роза Айтматова жана жакындары катышты.
Белгилей кетсек, 7- 12-декабрь күндөрү Бишкекте “Айтматов жана театр” VI эл аралык театр фестивалы өтөт. Ага Кыргызстан, Өзбекстан, Казакстан, Түркмөнстан, Россия, Азербайжан өлкөлөрүнүн театрлары Чыңгыз Айтматовдун чыгармаларынын негизинде коюлган спектаклдер менен катышат.
