Партиялык жана мамлекеттик ишмер Бейшеналы Кулов 91 жашында дүйнөдөн кайтты. Бул тууралуу анын жакындары кабарлашты.
Маалыматка ылайык, Бейшеналы Кулов 28-декабрда көз жумган.
Бейшеналы Кулов 53 жылдан ашык партиялык жана чарбалык кызматтарда иштеп, 20 жылдан ашуун Чүй облусунун Москва, Кемин райондорунун, Ысык-Көл облусунун Жети-Өгүз районунун биринчи катчысы болуп эмгектенген.
25 жыл бою ал Кыргыз ССР Жогорку Советинин депутаты болуп шайланган, ошол эле мезгилде ал Кыргыз ССРинин Коммунисттик партиясынын Борбордук Комитетинин мүчөсү болгон. Республиканын айыл чарбасына эмгек сиңирген кызматкери жана ошондой эле көптөгөн мамлекеттик сыйлыктарга ээ болгон.
Ардактуу эс алууга чыккандан кийин 10 жыл Чүй облустук согуш жана эмгек ардагерлер кеңешинин төрагасы болуп иштеген.
