Маратбек Чолпонкулов «Кыргызалтын» ААК башкармалыгынын төрагасы болуп дайындалды. Бул тууралуу компаниянын басма сөз кызматы билдирди.
Ал «Кыргызалтын» ААКтын директорлор кеңешинин чечими менен шайланып, буга чейин командага сунушталгандыгы белгиленди. Маратбек Чолпонкулов аталган кызматка дайындалганга чейин бир жарым жыл өкмөттүк аппараттын өнөр жай, отун-энергетикалык комплекси жана жер казынасын пайдалануу бөлүмүнүн башчысы болуп иштеген.
Эскерте кетсек, «Кыргызалтын» ААК башкармалыгынын мурунку төрагасы Элмырза Укубаев 100 миң сом пара алып жаткан жеринен кармалган.