Милициянын кайгуул кызмат башкармалыгы маалымдайт: 2026-жылдын 21-январында, болжол менен саат 09:00дө, 2006-жылы туулган А.Д.М. аттуу айдоочу «Тойота-Карина» үлгүсүндөгү унааны башкарып, Достук турак жай массивинде жайгашкан Васильевский тракт жолу менен түндүк багытта бара жатып, рулдук башкарууну жоготкон.
Натыйжада унаа жолдон чыгып кетип, тоскоолдукка — даракка урунган.
Алдын ала маалыматтарга ылайык, жол кырсыгына ылдамдык режимин бузуу, унаанын жайкы (эскирген) шиналар менен башкарылышы жана айдоочунун алкоголдук мас абалында болушу себеп болгон.
Айдоочу А.Д.М., 2006-ж.т., алган жаракаттары менен НГнын реанимация бөлүмүнө жеткирилип, ооруканага жаткырылган. Алдын ала диагноз: оор айкалышкан жаракат, жабык баш мээ жаракаты, мээнин көгөрүшү, көкүрөк клеткасынын жана ич көңдөйүнүн жаракаты.
