Кечээ, 18-январда Финполдун жетекчиси Сыймык Жапыкеевге карата каршы көрсөтмсө берип, элдин бүйүрүн кызыткан Мелис Аспеков көрсөтмө берүүдөн баш тартууда. Бул тууралуу адвокаты Назира Абышкаева бүгүн Бишкекте өткөн басма сөз жыйында билдирди.
Анын айтымында, активист кармалгандан бери өзүнө карата козголгон кылмыш иши боюнча бир гана жолу сурак берип, башка эч кандай көрсөтмө берген эмес.
Ал эми Сыймык Жапыкеев Мелис Аспековдун айткандарын четке кагып, айфонго алданбашын билдирген.
Белгилей кетсек, Мелис Аспеков учурда УКМКнын тергөө абагында отурат. Ал Улан Жураев экөө «Кыргыз темир жолу» мамлекеттик ишканасынын жетекчилигинен 250 миң доллар талап кылган деген шек менен кармалышкан. Өткөн аптада Бишкектин Биринчи май райондук соту Мелис Аспеков менен Улан Жураевди 9-мартка чейин камакта калтырган.
