Молдовановкадагы абакка белгисиз затты ыргытууга шектелген жаран кармалды. Бул тууралуу Жаза аткаруу кызматынын басма сөз кызматы билдирди.
Маалыматка ылайык, 19-апрелге караган түнү саат 23:15тер чамасында No1- түзөтүү абагынын тосмосунун жанынан белгисиз адам кайтарылган мекеменин аймагына эки пакетти ыргыткан.
Мыйзам бузган жаран өзүн Б.уулу Ж деп тааныштырган, ал 2001-жылы туулган жаран болуп чыкты.
Табылган кара түстөгү баштыктардын ичинен скотч менен оролгон жашыл түстөгү мүнөздүү жыты бар, жалпы салмагы 513 граммды түзгөн зат болгон.
Шектүү Аламүдүн РИИБдин тергөөчүлөрүнө өткөрүлүп берилди.
