Москвада октон жарадар болуп ооруканага түшкөн Кыргызстандык жарандын өздүгү аныкталды. Бул тууралуу Тышкы иштер министрлиги билдирди.
Маалыматка ылайык, жабырлануучу Кара-Суу районунун 1995-жылы туулган тургуну А.З. болуп чыкты. Учурда абалы оор деп айтылат.
Бул факт боюнча 27-сентябрда Россиянын ИИМдин Москва шаарынын Красносельский району боюнча тергөө бөлүмү Кылмыш-жаза кодексинин 111-беренесинин 2-бөлүгү («Ден соолукка атайылап оор залал келтирүү») менен кылмыш ишин козгогон.
Эске салсак окуя 27-сентябрда кечкисин катталган. Милиция «02» кызматына — маалымат берген окуянын кубөлөрү 2 жаран урушуп жатып, бири экинчисин травматикалык мылтык менен атып, качып кеткенин айтышкан.
Москвада кыргызстандык жаранды атып кеткен адамга издөө жарыяланды
