Кыргызстандын Камсыздандыруучулар ассоциациясынын президенти Мыктыбек Абиров: Азыр өлкөдө 15 камсыздандыруу компаниясы бар, алардын бири – мамлекеттик, калганы – жеке менчик, бул компаниялардын баары – Кыргызстандын өзүндө өнүгүп-өскөн ишканалар. Анткен менен, калктын азыр 12 пайызы гана, мисал үчүн, турак жайын камсыздандырган, башка мамлекеттерде бул көрсөткүч – кеминде 50 пайыздын тегерегинде.

Бирок жакында өлкөнүн ар башка аймактарында сел жүрүп, көптөгөн үйлөрдү суу каптап, элге эбегейсиз зыйын тийгизгени – үйлөр алдын ала камсыздандырылган болсо, жарандар ал компаниялардан бир топ акча алып калмак экенин көрсөттү. Окшош жагдай автоунааларды камсыздандырган ОСАГО системасы менен дагы байланыштуу. Азыр андай камсыздандыруу милдеттүү болуп калды жана кимдир бирөө жол кырсыгына кабылып, ага өзү күнөөлүү болсо, өз унаасын калыбына келтирүү чыгымын өзү тартат, бирок башкалардын унааларын оңдоп-түзөө милдети камсыздандыруучу компанияларга жүктөлөт…