20-июлга караган түнү саат 02:41де өлкө аймагында күчү 4 баллга жеткен жер титирөө катталды. Бул тууралуу Өзгөчө кырдаалдар министрлиги Улуттук илимдер академиясынын Сейсмология институтунун маалыматына таянып билдирди.
Алдын ала маалыматка ылайык, жер титирөө Нарын облусунун Нарын районундагы Оттук айылында 4 баллга чейин сезилген. Ал эми Казан-Куйган, Жерге-Тал, Кызыл-Жылдыз жана Эчки-Башы айылдарында 3,5 балл, Эмгекчил жана Куйбышев айылдарында 3 балл, Нарын шаарында 2 баллга чейин сезилген.
Учурда тиешелүү кызматтар жер-жерлерде тактоо иштерин жүргүзүп жатат. Алдын ала маалымат боюнча, жер титирөөдөн жабыркагандар жана кыйроолор тууралуу маалымат катталган жок.
