Бишкек, Ош жана Манас шаарларында курулуп жаткан 36 ири мектеп быйыл жаңы окуу жылына карата пайдаланууга берилет. Бул тууралуу Курулуш, архитектура жана турак жай-коммуналдык чарба министри Нурдан Орунтаев “Биринчи радионун” түз эфиринде билдирди.
Анын айтымында, учурда Бишкекте 20, Ошто 10 жана Манас шаарында 6 мектептин курулушу жүрүүдө. Бишкектеги жаңы мектептер 550дөн 1200гө чейин окуучуга ылайыкталса, Ош шаарындагы 10 мектеп 50 миң баланы окуу орундары менен камсыздайт.
Министр белгилегендей, учурда өлкө боюнча курулуп жаткан 540 объекттин басымдуу бөлүгүн билим берүү мекемелери түзөт. Алардын 200гө жакыны мектеп, 50дөн ашыгы бала бакча.
Нурдан Орунтаев быйыл курулуп жаткан объектилердин 200гө жакынын пайдаланууга берүү пландалып жатканын кошумчалады.
