Ош шаарынан болжолдуу, 10-мартта 1997-жылы туулган Айдана Таалайбек кызы дайынсыз жоголгон. Бул тууралуу Kaktus.media кыздын агасы Раззак Таалайбек уулунун билдирүүсүнө таянып, жазып чыкты.
Маалыматка ылайык, Айдана Ош шаарына иштөө үчүн келип, бир жигит менен таанышкан. Туугандарынын пикирине ылайык, кызды ошол уурдаган болушу мүмкүн.
Акыркы жолу, Өзгөн районуна караштуу Кызыл-Тоо айылындагы атасына телефон чалган, бирок сүйлөшө албай байланыш үзүлгөн. Ошол бойдон дайынсыз жок. Туугандары дароо милицияга кайрылган, бирок алар кайдыгер мамиле жасаган.
Мындан улам, туугандары өз алдынча издеп башташкан. Сураштырып жүрүп, Айдананын турмушка чыгып, боюнда бар экенин угушат. Бишкек шаарындагы клиникалардын бирине кезеке да турган экен. Бирок, издеп барган туугандарына даарыгерлер кыздын номерин же адресин айтуудан баш тартышкан.
Жакындары, кызды өз ыктыярына каршы, сексуалдык кулчулукта алып жургөн болушу мүмкүн деп кооптонушат.
