Ош облусунун Чоң-Алай районунун Жекенди айыл аймагынан жалпы 5034 адам эвакуацияланды. Бул тууралуу ӨКМден билдиришти.
Маалыматка ылайык, анын ичинен 92 адам убактылук жайгашуу пунктуна калган 4942 жаран жакындардыкына жайгаштырылды. Учурда тамак-аш жергиликтүү бийлик тарабынан берилүүдө.
«Чон-Алай району боюнча эвакуациялоо иш-чараларына Жарандык коргонуу кызматтарынан, Өзгөчө кырдаалдар министрлигинен жана жергиликтүү өз алдынча башкаруу органынан жалпы 185 кызматкер, 12 техника жана ошондой эле жергиликтүү тургундардан 673 жаран, 149 техника тартылган. ӨКМдин Ош облустук башкармалыгынан Чоң-Алай районуна матрац 80, жаздык 44, жууркан 500 даана башкармалык тарабынан бөлүнүп берилди»,-деп берилет билдирүүдө.
