Ош — Сары-Таш — Эркеш-Там жолунда кырсык катталды. Транспорт министринин кеңешчиси Мурат Соорбеков кабарлагандай, контейнер ташуучу унаа оодарылган. Ал жол боюндагы 10 парапетти кулаткан.
«Айдоочунун абалы жакшы. Учурда көпчүлүк жолдордо күн бүркөк, бирок ашууларда жол ачык, бардык тарапка каттам бар. Өтмөк ашуусунда кар жаап өттү, жол тайгак, инерттүү материалдарды себүү иштери жүрүүдө», — деп айтылат маалыматта.