Аба-ырайы турукташкандыгына байланыштуу Ош-Сары-Таш-Эркештам унаа жолундагы чектөө саат 15:00дө алынды. Бул тууралуу ӨКМден билдирди.
Белгилей кетсек, Ош облусунун Алай районунун Ош-Сары-Таш-Эркештам унаа жолунда кар жаап, бороон болгонуна байланыштуу, кырсыктардын алдын алуу, жарандардын кырсыкка кабылуусуна жол бербөө жана жол тыгындарын болтурбоо максатында, саат 12:00дөн тартып Ош-Сары-Таш-Эркештам унаа жолунун 184-чакырымынан 250-чакырымына чейин (Сары-Таш айылынан Нура айылына чейин) унаалардын бардык түрүнө убактылуу чектөө киргизилген .
