Ош шаарында Эгемендүүлүк 30 жылдыгына арналган гала-концерттин алкагында шаар башчысы Алмаз Мамбетов Олимпиада оюндарына токтолуп, ар бир спортчуга ыраазычылык билдирди.
Ошондой эле, майрамдык иш-чаранын коногу, Токио-2020 оюндарында күмүш медаль уткан Акжол Махмудовго 100 миң сом 2 бөлмөлүү батирдин сертификаты ыйгарылды.
Ал эми анын тренерлерине 50 миңден 100 миң сом акчалай сыйлык тапшырылды.
Иш-чаранын алкагында спорттун өнүгүшүнө салым кошуп, Акжол Махмудов сыяктуу спортчуларды машыктырган машыктыруучуларга Ош шаарынын мэриясынын Ардак грамотасы тапшырылган.
Эске салсак, Олимпиаданын күмүш байге ээси Акжол Махмудов Ош шаарындагы салтанаттын ардактуу коногу катары чакырылган. Күндүзү аны аэропорттон салтанаттуу тосуп алуу аземи өткөн.
