Ош шаарындагы А.Мамыров көчөсүнүн эки жээгиндеги эскилиги жетип, башаламан жайгашкан соода объектилеринин ордун көрктөндүрүү жана жашылдандыруу менен айланма жолду жакшыртуу боюнча эскиз долбоору иштелип чыкты. Бул тууралуу Архитектура, курулуш жана турак жай – коммуналдык чарба мамлекеттик министрлиги билдирди.
Эскиз долбоору, Ош регионалдык шаар куруу жана архитектура боюнча башкармалыгы тарабынан даярдалып, жергиликтүү бийликке сунушталды.
Эске салсак, көрктөндүрүү жана жашылдандырууга каралып жаткан аймак Кыргыз Республикасында аймактарды ирилештирүүнүн алкагында, Ош шаарынын карамагына өткөн.
