Ошто өспүрүм кызды зордуктоого шектелип 2 жаран кармалды. Бул тууралуу Ош ШИИБдин басма сөз кызматы билдирди.

Маалыматка ылайык, Ош шаардык ички иштер башкармалыгынын Сулайман тоо милиция бөлүмүнүн кылмыш иликтөө кызматкерлери тарабынан Кара-Суу районунун тургуну, 2004-жылы туулган кызды зордуктоого шектелип 2 жаран кармалды. Алар, 2005-жылы туулган Н.И., жана анын теӊтушу Ю.М. Экөө теӊ Ош шаарынын тургундары.

Алгачкы тергөө амалдары көрсөткөндөй, шектүүлөр 17-май күнү, кечки саат 17.30 чамасында жабырлануучуга Ош шаарынын эс алуу бактарынын биринде кол салышып, күч колдонуп, жабырлануучунун эркине каршы зордуктап, окуя болгон жерге таштап кетишкен.

Издөө иштеринин натыйжасында бул экөө теӊ кармалып, убактылуу кармоочу жайына киргизилди. Алардын үстүнөн кылмыш кодексинин 154-беренесинин белгилери менен кылмыш иши козголуп, тергөө иштери уланууда.

Ош шаардык соту тарабынан шектүүлөрдү тергөө амалдары аяктаганга чейин абакта кармоо боюнча чечим чыгарылды.