Кызмат абалынан кыянаттык менен пайдалануу фактысы боюнча Ош облусундагы Кара-Суу районунун «Сарай» айыл өкмөтү кармалды. Бул тууралуу УКМК басма сөз кызматы билдирди.
Маалыматка ылайык, сотко чейинки өндүрүштүн алкагында Киров айылындагы 720 окуучуга ылайыкташтырылган орто мектептин курулушу учурунда аткарылган жумуштардын көлөмү жалпысынан 24 миллион сомдон ашык суммага ашыкча көрсөтүлгөнү аныкталган.
«Т.З.Ж. жеке жооптуу адамдар менен биргеликте сапатсыз аткарылган мектепти пайдаланууга беришкен. Учурда тергөө иштери жүрүп жатат», — деп берилет маалыматта.
