Ошто эки кабат унаа өтмөгүн курууга даярдыктар башталды. Бул тууралуу Ош мэриясы бидирет.
Шаардагы Ысакбек Монуев көчөсүндөгү “Кыргыз көчү” босогосунан Апсамат Масалиев кең көчөсүнө чейинки аралыкты оңдоп-түзөө, Монуев, Шакиров жана Алимжанов көчөлөрүнүн кесилишинде эки катмардан турган жана унаалар менен жөө адамдар жер астынан дагы, үстүнөн да жүрө ала турган өтмөктү курууга даярдыктар башталды. Бул – Ош шаарындагы ири долбоорлордун бири болот.
Анын алкагында тиешелүү адистер тарабынан учурда элге түшүндүрүү иштери, кызыл сызыктын чегинен чыгып кеткен имараттарды алып салуу, курулуш иштерин баштоо үчүн долбоордо каралган жерлерди даярдоо иштери жүргүзүлө баштады.
