Ошто көчөдө кетип бара жаткан 46 жаштагы аялды сабап салган жаран кармалды. Бул тууралуу ИИМдин басма сөз кызматы билдирди.
Маалыматка ылайык, 8-апрель күнү болжол менен саат 21:00дө ИИМдин күзөт бөлүмүнө 46 жаштагы аялдан арыз келип түшкөн. Аны Ош — Кара-Суу жолунда бара жаткан учурда чала таанышы ага кол көтөрүп, сабап салган.
Чогултулган материалдар Кылмыштардын жана жоруктардын бирдиктүү реестрине катталып, сотко чейинки өндүрүш иши башталган.
«26-мартта Ош шаарындагы мейманканалардын биринен шектүү катары 1982-жылы туулган Д.А., кармалып, убактылуу кармоочу жайга киргизилди. Ал ИИМдин уюшкан кылмыштуу топтун мүчөсүндө каттоодо турганы аныкталды. Иликтөө улантылып жатат», — деп берилет маалыматта.