Ошто Керме-Тоо орто мектебинин биринчи кабатынан өрт чыкты. Бул тууралуу ӨКМнин басма сөз кызматы билдирди.
Маалыматка ылайык, өрт Ош шаарынын Гапар Айтиев көчөсүндө жайгашкан Керме-Тоо орто мектебинин биринчи кабатындагы Ош шаардык мэриясына караган көп тармактуу үй-бүлөгө жана балдарга жардам берүү борборунун социалдык бөлмөсүнөн чыккан.
«Өрттүн чыккан мезгили саат 11: 40 чамасында болуп, өрт болгон жерге №12 Ош шаардык өрткө каршы куткаруу бөлүгүнөн бир бөлүмчө тартылган. Өрт Саат 11: 55те чектелип, 12:01 де толугу менен өчүрүлгөн. Өрт электр чубалгыларын туура эмес пайдалануудан келип чыккан», — деп жазылат маалыматта.
