Кара-Сууда аймактык ооруканада текшерүү болуп, дарыгер бейтаптан акча алганы аныкталган. Бул тууралуу президенттин аталган облустагы ыйгарым укуктуу өкүлчүлүгү билдирди.
Маалыматка ылайык, аталган облустагы өкүлүнүн орун басары Данияр Жаныкулов Кара-Суу райондук аймактык ооруканасына текшерүүгө барган. Рейд учурунда оорукананын төрөт бөлүмүндө операция жасалган бейтаптан наркоз үчүн дарыгер акча алганы аныкталып, аймактык ооруканасынын ашканасы, оорукана аймагында иш жүргүзүп жаткан дарыканалар текшерилген.
Белгилей кетсек, Данияр Жаныкулов наркоз үчүн акча алган дарыгерге эскертүү берип, бейтаптын акчасы кайра кайтарылды.
