Ош шаарында “притон” рейди өткөрүлдү. Бул тууралуу Ош шаардык милициясынан маалымдашты
Максаты жашыруун сойкулук жасоочу жайларды аныктоо, кылмыштардын, укук бузуулардын алдын алуу болуп саналат.Милиция кызматкерлери алдын ала алынган маалыматтарга ылайык, шек жараткан батирлерди текшерүүгө алышты. Рейддин жүрүшүндө сойкулук жасоого шектүү 16 кыз кармалып, түшүндүрүү иштерин жүргүзүү үчүн милиция бөлүмүнө алынып келинип, бармактарынын издери алынды.
Кармалган кыздардын көпчүлүгү Ош шаарына башка региондордон келгендиги аныкталды. Ушул профилактикалык иш чаранын жүрүшүндө мурда катталган 12 кылмыштын бети ачылып, бир издөөдө жүргөн жаран кармалып, Ош шаардык ички иштер башкармалыгынын убактылуу кармоочу жайына киргизилген.
