Ошто 10-марттан бери дайынсыз жоголду делген 24 жаштагы Айдана Таалайбек кызы, акыркы жолу Бишкек шаарынын Кулиева көчөсүндө жайгашкан үйлөрдүн биринде жашап кеткен.
Ош ШИИБинин басма сөз кызматы, издөө уланып жатканын кабарлайт.
“13-мартта кыздын жакындары тарабынан, 24 жаштагы Айдана Таалайбек кызынын дайынсыз кеткендиги боюнча арыз келип түшкөн. Иликтөө уланып жатат. Азыркы учурда Бишкек шаарында экендиги бизге маалым, бирок жашаган жерин бат-бат алмаштыргандыктан, дарегин тактоо мүмкүн болбой келет”-деди Ош ШИИБнин басма сөз катчысы Замир Сыдыков.
Кыздын ата-энеси тергөөчүлөргө, Айдана Билил аттуу балага турмушка чыгуу ниетин айтканда, каршы болуп койгонун айтышкан. Мындан улам, кыз атайын эле туугандарына кабарын билдирбей жүргөн болушу мүмкүн деген жагдай бар экендиги айтылат.
Ош: 24 жаштагы кыз бир айдан бери дайынсыз, милиция реакция кылбай жатат