Армениянын премьер-министринин милдетин аткаруучу Никол Пашинян уулу Ашотту Тоолуу Карабакта согуш аракеттери аяктагандан кийин Азербайжанда туткундалган баардык армяндарга алмаштырууга даяр. Бул тууралуу Борбор Азия медиасы жана башка чет элдик басылмалар жазып чыкты.

Пашинян, өлкөнүн экс-президенти Серж Саргсяндын сынына жооп берип жатып,
«Мен Алиевге (ред. Азербайжандын Президенти Ильхам Алиевге) расмий түрдө айтам — мен туткунга түшкөндөрдүн ордуна уулумду сунуштайм. Расмий түрдө! Адамдарды сатып алуу жана сатуу боюнча адис катары Сержик менен Робик, мен сизге бул маселе боюнча сүйлөшүүлөрдү жүргүзүү укугун берем«, -деди.

Бул билдирүугө чейин Армениянын мурдагы президенти Серж Саргсян, Азербайжандын түрмөлөрүндө жаткан туткундардын абалы оор экендигин айтып, бийликти сындаган.

«Пашинян жалпысынан бул адамдардын кандай абалда экендигин түшүнөт?! Ашотикин Азербайжанда кармалып турган 20-25 аскерге алмаштырсын. Туткундар каалаган учурда кыйноого, зордуктоого, ал тургай өлтүрүлүп кетүү коркунучуна туш болушат”, — деген Саркисян.