Президент Садыр Жапаров Ош облусунун Өзгөн районунда жайгашкан Мырза-Аке жетим жана ата-энесинин камкордугусуз калган балдардын жатак мектебине 1 миллион сом берди. Бул тууралуу президенттин басма сөз кызматы билдирди.
Эске салсак, Бишкек шаарында 4-5-майда өткөн футбол боюнча «Мурас» достук мелдешинде Президенттин Администрациясы командасы жеңишке жетишкен. Мамлекет башчысы ошол учурда турнирдин байге фонду кайрымдуулук максатына багытталарын жарыялаган.
Белгилей кетсек, Жатак мектептин имараты 1988-жылы курулган, анын сыйымдуулугу 200 орундуу. Азыркы учурда жатак мектепте 181 тарбиялануучу билим алууда.