Райымбек Матраимов 26-декабрга чейин камакта калтырылды. Матраимов март айынан бери камакта отурат. Ага козголгон иш боюнча тергөө иштери аяктай элек.
Эскерте кетсек, быйыл жыл башында Райымбек Матраимов издөөгө алынганы белгилүү болгон. Ал 26-мартта УКМК тарабынан Азербайжандан Бишкекке алынып келген. УКМК Матраимов Кылмыш-жаза кодексинин 169-беренеси (адамды эркиндигинен мыйзамсыз ажыратуу) жана 222-берене (кылмыштуу кирешелерди адалдоо) боюнча шектелип жатканын кабарлаган. Бирок кийинчерээк 222-берене алынып, анын ордуна 378-берене (чек араны мыйзамсыз кесип өтүү) кошулган. 2021-жылы ал «коррупция» беренеси менен соттолгон.
