Россиядан ата-энеси таштап кеткен 7 өспүрүм Кыргызстанга алынып келинди. Бул тууралуу Эмгек, социалдык камсыздоо жана миграция министрлигинин басма сөз кызматы билдирди.
Маалыматка ылайык, балдар министрлик тарабынан кайтарылган. Балдарды кайтаруу Кыргызстандын Россиядагы элчилигинин, КР Тышкы иштер министрлигинин көмөгү менен уюштурулган.
Белгиленгендей, министрлик кайтып келген балдарды, райондук социалдык өнүктүрүү башкармалыктары менен бирдикте, биологиялык үй-бүлөлөрү менен бириктирүү боюнча иш алып барат. Эгерде баланы биологиялык үй-бүлө менен кайра бириктирүү мүмкүн болбосо, асырап алуу үчүн өткөрүп берүү маселеси каралат.
