Бишкекте “Мөмөлөр жана жемиштер” айыл чарба кластери, Россиянын Жемиштер союзу жана Фрагария компаниялар тобунун өкүлдөрү менен жолугушуу өттү. Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Маалым болгондой, анда дыйкан-фермерлер, күнөскана өкүлдөрү жана экспорттоочулар офлайн жана онлайн форматта катышты.
Жолугушууда көчөт өстүрүү, мөмө-жемиш өндүрүү, экспорт жана тамчылатып сугаруу технологиялары боюнча маалыматтар берилди. Ошондой эле тараптар тажрыйба алмашып, келечектеги кызматташуу мүмкүнчүлүктөрүн талкуулашты.
