Руслан Казакбаев Афганистандын ишенимдүү өкүлү менен жолугушту. Бул тууралуу ТИМдин басма сөз кызматы билдирди.
Маалыматка ылайык, 2020-жылдын 23-декабрында Тышкы иштер министри Руслан Казакбаев афган тараптын өтүнүчү боюнча Афганистан Ислам Республикасынын Кыргыз Республикасындагы Убактылуу ишенимдүү өкүлү Абдул Маджид Каргарды кабыл алган.
Жолугушуунун жүрүшүндө кыргыз-афган мамилелеринин күн тартибинин актуалдуу маселелери, анын ичинде Чоң жана Кичи Памирдеги афган кыргыздарынын абалы талкууланды. Андан тышкары тараптар инфратүзүмдүк долбоорлордун жана регионалдык интеграциялардын мындан аркы өнүгүшүнө көз чаптырып, пикирлерин бөлүштү.