Президент Садыр Жапаров бүгүн, 5-июлда, иш сапары менен Азербайжан Республикасына жөнөп кетти.
Мамлекет башчысы бул сапардын алкагында 6-июлда боло турган Түрк мамлекеттеринин уюмуна мүчө-өлкө башчыларынын бейформал Саммитине катышат.
Уюмдун мамлекет башчыларынын кезексиз жолугушуусунун темасы “Транспорт, байланыш жана климаттык ишмердүүлүк аркылуу туруктуу келечекти калыптандырууну камсыз кылуу” болуп саналат.
Делегациянын курамындагылар:
— тышкы иштер министри Жээнбек Кулубаев;
— Кыргыз Республикасынын Президентинин Администрациясынын тышкы саясат бөлүмүнүн башчысы Муратбек Азымбакиев;
— Кыргыз Республикасынын Азербайжандагы Атайын жана Ыйгарым Укуктуу Элчиси Максат Мамытканов;
— транспорт жана коммуникациялар министри Тилек Текебаев.
