Президент Садыр Жапаров бүгүн, 27-ноябрда, иш сапары менен Астана шаарына (Казакстан Республикасы) барды.
Мамлекет башчысынын борту Астанадагы эл аралык аэропортко конду.
Садыр Жапаровду Казакстандын Премьер-министри Олжас Бектенов жана башка расмий адамдар тосуп алышты.
Аэропорттун флагштокторуна Жамааттык коопсуздук жөнүндө келишими Уюмуна (ЖККУ) кирген мамлекеттердин желектери илинди, килем төшөлүп, Ардак кароолдун ротасы тизилди.
Иш сапардын алкагында Садыр Жапаров ЖККУнун Жамааттык коопсуздук кеңешинин кезектеги сессиясына катышат.
