7-канал. Жаңылыктар — Кыргызстан

Жаңылыктар — Кыргызстан

Сортировка новостей по дате

Декабрь 2022
Пн Вт Ср Чт Пт Сб Вс
 1234
567891011
12131415161718
19202122232425
262728293031  
  • social_icon
  • social_icon
  • social_icon
  • social_icon
Бишкек, KG
-8°C

Садыр Жапаров Түркиянын Ички иштер министрин кабыл алды

200

Президент Садыр Жапаров бүгүн, 8-ноябрда, өлкөгө сапар менен келген Түркия Республикасынын Ички иштер министри Сулейман Сойлуну кабыл алды.

Практикалык кызматташтыкты мындан ары өнүктүрүү жана Кыргызстан менен Түркиянын ортосундагы коомдук коопсуздук, жарандык коргонуу жана мыйзамсыз миграцияга каршы күрөшүү жаатындагы макулдашууларды ишке ашыруу жана башка актуалдуу багыттар боюнча пикир алмашуу болду.

Мамлекет башчысы Түркиянын ИИМ башчысы менен учурашып, анын сапары эки мамлекеттин укук коргоо органдарынын ортосундагы эки тараптуу кызматташтыкты бекемдөөгө түрткү болоорун белгиледи.

«Түркия биз үчүн бир тууган мамлекет жана ишенимдүү дос. Кыргызстан Түркия менен өз ара аракеттенүүгө өзгөчө маани берет», — деп белгиледи Президент.

 

Садыр Жапаров эки тараптуу мамилелер мындан ары да чыңдала берерине ишеним билдирди, анын ичинде өлкөлөрдүн ички иштер министрликтеринин ортосунда дагы, муну Түркиянын Президенти Режеп Тайип Эрдоган менен болгон акыркы жолугушуулар жана сүйлөшүүлөр тастыктайт.

 

Өз кезегинде Түркиянын Ички иштер министри Сулейман Сойлу жылуу кабыл алуу жана меймандостук үчүн ыраазычылык билдирип, ошондой эле Түркия лидеринин саламын жеткирди.

Ал кыргызстандык кесиптештер менен биргеликте коопсуздукту камсыздоо, терроризм жана экстремизм, мыйзамсыз миграция жана баңги заттарды мыйзамсыз жүгүртүүгө каршы күрөшүү жаатында кызматташуу боюнча кеңири сүйлөшүүлөр болгонун маалымдады.

Сулейман Сойлу түрк тарап эки өлкөнүн лидерлеринин көрсөтмөлөрүн эске алуу менен кызматташтыктын бардык багыттары боюнча стратегиялык өнөктөштүктү мындан ары тереңдетүүгө даяр экенин ишендирди.

Добавить комментарий

Ваш адрес email не будет опубликован. Обязательные поля помечены *

201