Садыр Жапаровдун инаугурациясына депутаттар автобус менен барышат. Бул тууралуу бүгүн, 27-январда Жогорку Кеңештин жыйынында вице-спикер Аида Касымалиева кулактандыруу катары айтты.
Анда жаңы шайланган Президент Садыр Жапаровдун инаугурациясына жеке автоунаа менен келүүгө тыюу салынат. Ал эми эл өкүлдөрү автобустар менен алынып келип, кайра жеткирилет.
“Эртең Жогорку Кеңештин имаратынын батыш тарабына саат 8:30га чогуласыздар, автобустар саат 9:00дө жөнөйт. Чакыруу баракчасы жана кызматтык күбөлүгүңүздөр сөзсүз түрдө жаныңыздарда болушу керек. Жеке транспорт менен барууга тыюу салынат. Иш-чара бүткөн соң Жогорку Кеңештин имаратына кайра эле ошол автобустар ташып келет”, — деди Касымалиева.
