Кызыл зонада коронавирус илдетине чалдыккан бейтаптарды дарылаган дарыгерлер эмгек акыларын талап кылуу үчүн Саламаттыкты сактоо министрлигине келишкен. Мекеменин имаратына жалпы 30дай адам чогулду. Бул тууралуу сүрөт социалдык тармактарда тарады.
Маалыматка ылайык, дарыгерлер эки айдан бери кызыл зонада иштеп бирок, бири дагы айлык-акы алышкан эмес.
«Биз кызыл зонага 6-ноябрда кирип, 23-ноябрда чыктык. Улуттук госпиталдын урологиясында иштедик. Бирок дагы деле эмгек акы ала элекпиз», -дейт тынчтык митингине чыккандардын бири.
Кызматкерлер эгерде айлык-акыларын беришпесе Каржы полициясына арыз жазууга мажбур болушарын кошумчалашты.
