Мамлекеттик салык кызматынын төрагасынын орун басарлары — Мирлан Рахманов жана Кубанычбек Ысабеков Temu электрондук соода платформасынын өкүлдөрү менен жолугушуу өткөрүштү.
Жолугушуунун негизги темасы платформанын каттоодон өтүүсү жана Кыргызстандын мыйзамдарына ылайык иш жүргүзүү маселелери болду.
Тараптар электрондук коммерцияны укуктук жөнгө салуу маселелери боюнча пикир алмашып, онлайн чөйрөдө ачык-айкындуулукту камсыз кылуу жана салыктык милдеттемелерди аткаруу механизмдерин талкуулашты.
Temu платформасынын өкүлдөрү жергиликтүү мыйзамдардын талаптарын аткарууга кызыктар экендигин билдиришип, Кыргызстандын аймагында өз ишмердүүлүгүн каттоого даяр экендигин тастыкташты.
