Бишкек шаарынын мэринин милдетин аткаруучу болуп жаңы дайындалган Таалай Сарбашов ишин тазалыктан баштады. 7-август ишемби күнү борбор калаанын тургундарын жалпы ишембиликке чакырууда.
Бул тууралуу вице-мэр Жамалбек Ырсалиев билдирди.
«Таалайбек Насирдиңович жаңы дем менен иштеп баштады. Өзүңүздөр билгендей быйыл сугат суусу тартыш болуп, чөптөр саргайып,бактардын жалбырагы түшүп баштады. Урматтуу достор! 7-август, ишемби күнү баардыгыңыздарды шаардык ишембилике чакырабыз. Ар бир район активдүү катышып бериңиздер. Кафе-ресторандар, дүкөндөр, интернет клубдар, сулуулук салондору, кандай ишканалар болбосун өз айланасын тазалап шаарыбыздын тазалыгына салым кошуңуздар»-дейт вице-мэр.
Ал ошондой эле жаңы шаар жетекчисинин демилгесин колдоп, жардам берем дегендерди түз байланышууга чакырат. (Вотсап номерим+996553517777)
