4-5-ноябрда түнкүсүн аба-ырайынын кескин өзгөрүшү күтүлөт. Бул тууралуу ӨКМнын басма сөз кызматы шашылыш билдирүү таратты.
Маалыматка ылайык, көпчүлүк аймактарда мезгил-мезгили менен жаан-чачын жаашы, тоолуу райондордо кар жаашы күтүлөт. Тоолуу райондордо жолдор тайгак жана тоңголок болот. Айрым жерлерде батыштан соккон шамалдын ылдамдыгы секундасына 15-20 метрге чейин жетет.
Абанын температурасы:
- Чүй өрөөнүндө түнкүсүн -5…-10°, күндүз -2…-7°,
- Талас өрөөнүндө түнкүсүн -6…-11°, күндүз -3…-8°,
- Ош, Жалал-Абад, Баткен облустарынын өрөөндөрүндө түнкүсүн -1…-6° суук, күндүз 0…5° жылуу,
- Ысык-Көл ойдуңунда түнкүсүн -6…-11°, күндүз -1…-6°,
- Нарын облусунун дыйканчылык аймактарында түнкүсүн -10…-15°, күндүз -2…-7°,
- тоолуу райондордо түнкүсүн -21…-26°, күндүз -10…-15° суук болот.
Белгилей кетсек, мындай туруксуз аба-ырайы айыл чарба иштерин, унаа, энергетика жана коммуналдык кызматтардын ишине кыйынчылык туудурат.