Бүгүн, 30-августта Сириянын түндүк-чыгышында жайгашкан лагерден Кыргызстанга 95 жаран кайтарылды. Бул тууралуу Тышкы иштер министрлигинен билдиришти.
Маалыматка ылайык, мекенине кайтарылып келгендердин 31и аял, 64ү өспүрүм жана кичинекей балдар болуп саналат. Алар Кыргызстанга атайын учак менен алынып келген.
Аталган иш-чаранын алкагында Кыргызстандын делегациясы Сириянын түндүк-чыгышында жашаган элге керектүү дары-дармектерди жеткирип, гуманитардык жардам көрсөткөн.
Кыргызстандыктарды мекенине кайтарууда АКШнын өкмөтү, БУУнун Балдар фонду (ЮНИСЕФ) жана Эл аралык Кызыл крест комитетине көмөк көрсөткөн.
