Аба ырайынын кескин начарлашынан улам, Сосновка постунда саат 02:15тен тарта оор жүк ташуучу унааларга убактылуу чектөө киргизилди. Бул тууралуу Транспорт министрлиги билдирди.
Азырка тапта №9 жол тейлөө ишканасы тарабынан тазалоо, кум себүү иштери жүргүзүлүүдө. Ушундай эле кырдаал Өтмөктө орун алып, инерттик материалдар чачылууда. Жол ачык, каттам бар.
Транспорт жана коммуникациялар министрлиги жайкы дөңгөлөк жана чынжыры жок чыккан унаалар жасалма тыгын менен атайын техникалардын иштешине тоскоолдук жаратып жатканын билдирет. Мындан улам, министрлик айдоочулардан унаа дөңгөлөктөрүн жайкыдан кышкыга алмаштырып чыгууну суранат.
