Ошто 16 жаштагы өспүрүм учуп көз жумган курулуш компаниянын лицензиясы токтотулду. Мындай чечим 9-октябрда кабыл алынганын Мамкурулуштан билдирди.
«Ош шаарындагы Шамшиев көчөсү, 1 дарегинде курулуп жаткан турак үйдө, адам өлүмүнө алып келген курулуш учурундагы коопсуздук техникасынын талаптарын бузууларга байланыштуу укук коргоо органдары тарабынан тергөө жүргүзүлүп, «Артвин групп кейджи» курулуш компаниясынын лицензиясынын колдонулушун токтото туруу чечими кабыл алынган», — деп айтылат маалыматта.
Эске салсак, 5-октябрда Ошто курулушта иштеп жаткан 16 жаштагы бала 13-кабаттан кулап, каза болгон.
