2020-жылы Кыргызстанда жалпы каза болгондордун жарымынан көбү кан айлануу системасы жабыркагандар болгон. Бул тууралуу Улуттук статистика комитети кабарлайт.
Жүрөк-кан тамыр оорусуна кабалгандардын эң көбү Ысык-Көл облусуна туш келсе, салыштырмалуу азыраак учур Ош облусуна туура келет.
- Ысык-Көл облусунда -828,
- Таласта 720,
- Баткен облусунда 701,
- Ош облусунда 448,
- Ош шаарында 527,
- Жалал-Абад облусунда 499.
Калктын жалпы ооруга чалдыгуу структурасында оорулардын эң көп саны (36%) дем алуу органдарынын ооруларына, 12% дан ашыгы — тамак сиңирүү органдарына, 7% — заара системасынын органдарынын ооруларына, 5% — травма жана ууланууга, 8% ашыгы — жугуштуу жана мите ооруларына туура келди.
Өлкө боюнча жалып бейтаптардын жалпы санынын 74% тышкы дем алуу жолдорунун инфекциясы, 11% жакыны — ички дем алуу жолдорунун инфекциясы жана 10% — пневмония диагнозу коюлган.
Өлүм себепчи болгон оорулардан экинчи болуп шишик оорулары саналат.
Бул жерде тамак сиңирүү органдарынын оорулары (33% жакын), андан кийин эмчек оорулары — 11% дан ашык, дем алуу органдары (трахея, бронх жана өпкө) — 12% дан ашык, лимфа жана кан түзүү ткандары — 5% дан ашык жана теринин рак оорусу — 4% дан ашык оорулар басымдуулук кылат.
2020-жылдын аягында республиканын онкологиялык мекемелерде 20 миңден ашык адам каттоодо турааары маалым болгон, алардын 98% дан ашыгын аялдар.
2020-жылы республикада медициналык уюмдарга 1 миллиондон ашык кайрылган учурлар катталган, анда балдардын үлүшүнө 36% дан ашыгы туура келген.
