Бүгүн Талас облусунда «Суусамыр – Талас – Тараз автожолун реконструкциялоо, IV фаза» долбоорунун курулушуна старт берилди. Бул тууралуу Транспорт жана коммуникациялар министрлигинен билдиришти.
Иш-чарага транспорт министри Абсаттар Сыргабаев, президенттин Талас облусундагы өкүлү Эрмат Жумаев, Талас шаарынын мэри, Талас облусундагы райондордун мамлекеттик администрациясынын башчылары жана жергиликтүү тургундар катышты.
Жолдун узундугу — 93 чакырым. Ал мамлекет эгемендик алгандан бери реконструкцияланбай, оңдолуп гана келген.
Трасса Талас облусунун Манас, Айтматов, Бакай-Ата жана Талас райондору аркылуу өтөт.
