18-сентябрь эртең мененки саат 8:00гө карата Кыргызстандын Баткен жана Ош облустарындагы кыргыз-тажик чек арасындагы түн ок атуусуз жана тараптардын ок атышууну токтотуу келишимдерин бузуусуз өттү.
Бирок эки тараптан тең көрүлгөн чараларга карабастан кырдаал курч бойдон калууда.
Учурда тараптардын өкүлдөрү мамлекеттик чек арадагы иштерди улантып, жетишилген макулдашууларды так аткаруу боюнча тиешелүү иштерди жүргүзүп жатышат.
Министрлер Кабинетинин орун басары – Кыргыз Республикасынын УКМК төрагасы – генерал-лейтенант Ташиев К.К. кырдаалды жөнгө салуу боюнча жергиликтүү бийлик органдарынын ишин координациялоону улантууда.
