Түндүк — Түштүк альтернативдик жолу убактылуу ачылды. Бул тууралуу Транспорт жана коммуникациялар министрлиги билдирди.
Трасса ноябрь айына чейин ачык болот. Бул туристтик сезондо транспорттук жүктү азайтуу үчүн жасалууда. Сапарга чыккандар жолдон саат 06:00дөн 22:00гө чейин өтсө болот.
«Көгарт тоннелинен өтүү үчүн акы төлөш керек, унаанын түрүнө жараша 100 сомдон 5 миң сомго чейин алынат. Эми Жалал-Абаддан Балыкчыга 13 эмес, 6 саатта жетүүгө болот. Кышында жол кайра жабылат», — деп жазылат маалыматта.
Ушу тапта эстакадалык көпүрөлөрдүн, кар көчкүдөн сактай турган тосмолордун курулушу уланууда.
Жол толугу менен 2028-жылы ачылмакчы.
