Түштүк Кореяда расмий иштеп, айлыгынан пенсиялык төгүмдөр кармалган Кыргызстандын жарандары мекенине кайтып келгенден кийин топтолгон каражаттарын бир жолку төлөм катары алып жатышат.
Бул тууралуу Социалдык фонддон билдиришти.
Маалыматка ылайык, учурда Кореянын Улуттук пенсиялык кызматынан топтомо пенсиясын алуу үчүн 149 кыргызстандык жаран кайрылган. Алардын ичинен 126 жаранга төлөмдөр берилген, ал эми дагы 23 жарандын арызы каралууда.
Социалдык фонд белгилегендей, бул пенсиялык төлөм бир гана жолу берилет. Бир жолку төлөмдүн орточо өлчөмү 3 миң 789 долларды түзөт.
