Чүйдө каракчылыкка шектелген жаран кармалды. Бул туууралуу Чүй ОИИБдин басма сөз кызматы билдирди.
Маалымат боюнча, 13-декабрд, 26 жаштагы таксист Төмөнкү Ала-Арчага алып барууну суранган адамды унаасына салып алган.
Айтылган дарекке баргандан кийин шектүү таксистке кол салып, айдоочуну бурагыч менен бир нече жолу уруп, жабырлануучунун унаасын айдап, уюлдук телефонун алып, качып кеткен.
Бул факт Кылмыштардын жана жоруктардын бирдиктүү реестрине катталып, Жазык кодексинин 202-беренесине ылайык (каракчылык) кылмыш иши козголду.
Издөө иш-чараларынын алкагында, унаа Маевка айылынан табылган. Ал эми бул кылмышка шектелип 1990-жылы туулган Б.Б. Чүй ОИИБ менен Аламедин РИИБдин кызматкерлери тарбынан кармалган.
Шектүү Бишкек ШИИБдин убактылуу кармоочу жайына киргизилди. Учурда тергөө иштери уланып жатат.
